Qarasaasialerinermik ilinniartitsisut Tommy Marømut naammagittaalliorput
- Inuusuttut ilinniarnerminni qarasaasiamik atuisinnaanissaat periarfissaasariaqarpoq, kisianni pissutsit piviusut aallaavigalugit atuartitsinermi IT-p pisinnaasai killilerujussuupput, atuartummi suliniaraluartillugit qarasaasiap unittoortarnera akornutigisarpaat, Qaqortumi ilinniartitsisut taama oqarput.
- Immap naqqatigut kabeli atorneqaleraluarpalluunnit ajornartorsiut tamanna qaangerneqarnavianngitsoq ilinniartitsisut isumaqarput. Piumasaqaataallu erseqqarilluinnarpoq:
- Atuarfiit ilinniarfiillu internetimik atuinerup annertuissusaa apeqqutaatinnagu aalajangersimasumik akiliisalerlik kiisalu ilinniarfik ataaseq minnerpaamik 2 megabit-imik atuisinnaatitaalerli!