Qarasaasialerinermik ilinniaqqaartariaqarsoraat

Tamaattumik Inatsisartunut ilaasortat arlallit alimasissumit atuartitsinermi ippassaani peqataapput, taannalu  Atuarfik Samuel Kleinschmidt-imi Nuummiittumi ingerlanneqarpoq, Kapisilinni atuartut qarasaasiakkut attavigineqarlutik aamma peqataatinneqarlutik. Sermersooq.gl-imi taama allaaserinnittoqarpoq.

Video amma nipinut atortut ikkussuunneqarsimapput imminnut tusaallutillu takusinnaaniassammata. Allattarfissuaq elektroniskiusoq, smartboardimik pisagaat atorneqarpoq, taamaalillutik Nuummi politikerit issiasut Kapisilinnilu atuartut allaqatigiillutik.

Alimasissumit atuartitsisarneq politikerinit maanna soqutigineqartupilussuuvoq. Tamannalu pissutigalugu Inatsisartut Ilinniartitaanermut ataatsimiititaliaata, Kommuneqarfik Sermersuup iluarsartuullugu pilersaarusiaa namminneq isiminnik takuniarlugu, pilersaarummik aaqqissuisuusoq, Christian Jerimiassen saqqummiisoq tusarnaaqaarpaat.

Alimasissumit atuartitsisarnerup aamma e-learning-imik taaneqartartup iluaqutaanera Christian Jerimiassenip saqqummiinermini eqqartorpaa.  Taassuma iluaqutaanera nukinnik atuiffiusorujussuusoq ilinniartitsisullu piffissaannik assut tigusisartoq aamma eqqartorpaa.

- Nunaqarfimmiut atorfissaqartitsinerat ilinniartitsinermi salliutinneqartartoq, Christian Jerimiassen oqarpoq.

Taamaattumik ilinniartitseriaatsip nalilersoqqinneqarnissaa erinigaa aamma politikerit tamassumunnga aalajangiinissaat pingaartillugu.