Qarasaasialerineq pillugu Katuami isumasioqatigiittoqassaaq

Qarasaasialerineq pillugu Katuami aggustip ulluisa 19-ianni 20-annilu isumassarsioqatigiittoqassaaq, inuillu nuimasut arlallit peqataassallutik.
aggustip 07-at 2008 06:29

Immap naqqatigut kabeliliinissaq pillugu periarfissat nutaat ammaassiffigineqassapput, periarfissallu tamakku paasinarsarniarlugit attaveqarnermut tunngatillugu oqalugiartartut pikkorinnerit ilaat TELE-POST-ip qaaqquai.

”Kalaallit Nunaat Nunarsuup Qeqqani”-mik taallugu isumassarsioqatigiittoqassaaq, internetimillu pilersitsisut ilaat, John Patrick, peqataassalluni. Nunarsuarmi qarasaasialiortut annersaasa ilaata, IBM-ip, teknologiikkut pisortap tullersortarisimasaattut taanna aamma siornatigut inissisisimavoq.

Danskeq isiginnaartitsisartoq Kalaallit Nunaanni ilisimaneqarluartoq, Flemming Jensen, aamma peqataassaaq.

Taanna Ikerasammi siornatigut ilinniartitsisuuvoq. Taassuma oqalugiaatissaa atserneqarsimavoq: ”Siunissaq inuup angissusaata nalaaniit isigalugu – Kalaallit Nunaat 2008-mi aamma 2020-mi?

Inuit nuimasut allat aamma oqalugiarumaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq