Qaqutigoorluinnartumik Aasianni ippassaq pisoqarpoq.
Paulus Frederiksen pernarnilikkersaartissavarput.
… Suu, takusaraluarlugit aatsaat pisaqarpunga, qaqutigoornermik maani Aasianni.
Ippassaq inoqavissoqaagut sissamut tulakkatta. Umiatsiamut ikiinnarnikuugatsigu, Paulus Frederiksen aallartippoq.
Nanoq Saattuarsuit siorannguani immami naloriarluni nunamut qaqisoq, umiatsiaminnik maleriarlugu piniartut pisaraat.
- Paluginnarmat ersigiusakkakku aatsaat nangippara. Nanoq kusanaqaaaq, aakkajaalaannguuvoq, amia kusanartorujuk.
Paulus Frederiksen nannunniartartuunnginnami nalorsalaarpoq.
- Nalunarnermik, kisianni nanoq 2 meter 6 centimeteriuvoq, pualasoorujussuaq. Nuannertorujuuvoq, Paulus Frederiksen oqarpoq.
Nanoq angutiviaasoq misissorteqqaarlugu neqaa aatsaat tuniniarsinnaallugu piniartut oqaatigaat. Maannamullu arlallit pisiniarlutik saaffiginnereersimapput.