Qaqqat Alanngui isiginnaarneqarnerpaavoq
Filmi 'Qaqqat Alanngui' Katuap filmertarfiani isiginnaariarneqarnerpaanngorpoq. Taamaalilluni filmi 'Titanic' anguaa.
Allattoq Medea Frederiksen
Kalaallit filmiliaat 'Qaqqat Alanngui', sapaatip akunnerata naanerani Katuami filmini takutinneqarnikuni isiginnaariarneqarnerpaanngorpoq, isiginnaarianit 7275-init takuneqarsimalermat.
Taamaalilluni katuap filmertarfia 1998-imi atoqqaarfissiorneqarmalli isiginnaariarneqarnerpaasimagaluartoq filmi 'Titanic', isiginnaarianit 7060-nit takuneqarnikoq, anguaa.
'Qaqqat Alanngui' juulip 22-ani 23-anilu kiisalu septembarip aappaaniit arfineq pingajuata tungaanut takutinneqaqqissasoq Katuaq filmertarfianit nalunaarutigineqarpoq.