Tuluit nutaarsiassaqartitsiviat, BBC taama allaaserisaqarpoq.
- Nunarsuup kiatsikkiartornera ilutigalugu sikut sermillu sukkasuumik aakkiartorput. Inuit timaat ukiorpassuarni matoorussaaqqasimasut nuiorariartuinnarput, Nepalimi qaqqasiartortut peqatigiiffiannit Ang Tshering Sherpa oqarpoq.
Qaqqarsuup 8848 meterinik portussuseqartup, Mount Everestip qaqiniarneqaqqaarneraniilli inuit 300-t missaanniittut ajunaarsimapput.
Toqungasut timaannit 300-nit marluk pingajorarterutaat qaqqap aputaanit sermimillu matooruteqqapput.
Immikkut ilisimasallit oqarnerat naapertorlugu toqungasut timaanik qaqqamit ammukaassineq 40.000-it 80.000-illu akornanni akeqartarpoq.
Mount Everestip eqqaani Himalayallu sinnerani sermit aakkiartornerat sukkasoq sermillu saaliartortut misissuinerit qassiiusut takutippaat.
/ritzau/