Erik Møller Illorsuarmioq maanna Uummannami qimagussuunneqartunut ilaavoq. Qaqqarsuaq sisoriaannaasup qaartinneqarnissaa kissaatigaa Illorsuarnut uteqqikkusuppoqAssi: Erik Møller/Facebook

Illorsuarmioq Qaqqarsuaq qaartillugu

Uummannap sulluani qaqqap sisoornissaannut aarleqqutigineqarnera pissutigalugu,Kristian nulianilu Rakel Nielsen Illorsuit qimallugit allamut nuunnissartik eqqarsaatigaat. Erik Møller Uummannamut qimagussuunneqarneq qaangiuppat uterniarpoq.

Uumannap sulluani tassaarsuarneqarnerata kingorna nunaqarfimmi Illorsuarmi eqqugaasut ilai uteqqissanerlutik uteqqissannginnerlutilluuniit isumaat assiginngilaat.

- Nuliaralu oqareerpugut - uteqqikkusunngilagut, Saqqami Ilulissaniluuniit illussaqaraluarutta nuussagaluarpugut,
Kristian Nielsen nulianilu Rakel Illorsuarmiit maanna Aasiannut qimagussuunneqartunut ilaasoq taama oqarpoq.
Illorsuarmiut Niaqornarmillu maanna  Aasiannut qimagussuunneqartut  ilinniartut najugaqarfiiinut  inissineqarput.

Uummannap sulluani Karrani qaqqarsuup sisoortup ilaata sisunissaa aarlerissutigineqarmat Illorsuarmiut Niaqornarmiullu qimugussuunneqarput, piffissamilu qanittumi nunaqarfinnut uternissaat naatsorsutigineqarsinnaanani.   Kristian Nielsen isumaqarpoq qaqqarsuarmit sisoortoqaqqippat illorsuarni illut amerlanerit eqqugaassasut, illut amerlanerit immamut qanittumiikkamik.
Tupinnannngitsumik angerlarsimaffik nunaqarfillu qimassallugu aalajangerneq imaanngiisuuvoq.

- Soorunami artornartorujuuvoq assorujuk, nuannerpallaanngilaq. Kristian Nielsen Nuugaatsiap Illorsuullu nunaqarfiini aqutsisuni ilaasortaq taama oqarpoq.

Qaqqarsuaq qaartillugu

Illorsuarmioq alla Erik Møller, Kristian Nielsenimit allamik isumaqarpoq. Erik Møller nunaqarfimmut uteqqikkusuppoq,  taannalu isumaqarpoq qaqqarsuup nakkaanniissaanut aaleqqutigineqartoq qaartinneqartariaqartoq
- Massakkut kissaatiginerpaagaluarpara inueruteqqanerani qaartillugu sajuppillatsiguluunniit nakkaartinneqarnissaa, taava eqqissisimanerulissagaluarpugut, Erik Møller illorsuarmiut allat assigalugit Uummannamut qimagussuuteqartunut ilaasoq, uummannamilu atsaarmini najugaqartoq taama oqarppoq.

Erik Møller Illorsuarmut uternissani aalajangiusimavaa, Møllerip illua qatsissumiippoq.

- Nunaqarfik Illorsuit qimavissinnaanngilara  taama nuna alianaatsigisoq
---
Erik Møller Nuugaatsiami aamma Illorsuarni nunaqarfinni aqutsisuni ilaasortaq taama oqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat