Qaqqarsuagunngooq "inuusukaarsuupput"

Kalaallit Nunaanni qaqqarsuavut uissuumminartumik nutaanngitsuunngillat. Danskimmi ilisimatusartut paaseqqammerpaat qaqqat ilaat ukiunik 10 milliuuniinnarnik pisoqaassuseqartut.

Qaqqat pinngorsimanerat ima nassuiarneqarpoq, taakku sumit manissuinnarsuarmiit ajattarneqartutullusooq puttupput, maanna portussuserilersimasamittut – kilomiiterit marluk missaannik – portussuseqalerlutik.

Kalaallit Nunaannili qaqqat tamarsuarmik ”inuusukaajunngillat”, Kitaanimi qaqqarsuit nunarsuarmi pisoqaanerpaanut ilaapput. Qaarsuik, qaqqap pinngorfia, ukiut milliardit marluk matuma siorna pinngorpoq, ujaqqalli nunap iluaniit puttuttut qaarsuinniit nutaajunerujussuupput.

Ujarassiuut ujaqqanik qaqqaneersunik misiliutissanik katerseriarlutik misissuinerminni paasisat tamakku paasivaat, qaarsumerngit uranitaqartut ilaatigut paasineqarlutik. Taamaalillunilu tassa naatsorsorneqarsinnaanngorsimavoq, qaqqavut qanoq pisoqaatiginersut.

Immap naqqani sumi uuliamik gassimillu nassaartoqarsinnaanersoq, aamma diamantinik sumi peqarnersoq, paasisat tamakku aamma paasinarsisittussaavaat.