Qaqqaq innermik anitsisoq
Allattoq Mads Lynge
aggustip 07-at 2006 07:13
Qaqqap Filippinerit qiterpasinnerusortaaniittup innermik anitsisinnaanissaa annilaanngatigineqarmat, inuit tuusintilikkaat najugaqarfimminnit qimagutitinneqarsimapput.
Qaqqaq Mayonimik ateqarpoq, qaqqallu innermik anitsisartut akornanni anitsinerpaasartut ilaattut nalilerneqartarluni.
Qaqqaq innermik anitsissagaluaruni inuit 60.000-it missaanniittut ulorianartorsiortinneqarsinnaasut vulkanologinit ilimagineqarpoq.
- Inuit 10.500-t missaat illoqarfeeqqanit sisamaneersut maannamut qimagititinneqarsimapput, illoqarfiup Legaspip borgmesteria Noel Rosal oqarpoq.
Minutsit 40-t ingerlanerini Mayonip iluanit sisamariarluni ullumi qanngorpallattoqarpoq, lavamillu kuuttoqalerluni, radio-kkut tusarliussisut oqarput.