Qaqqaq innermik anitsisartoq maanna anitsivoq

Qaqqaq anitsisartoq, Merapi, Indonesiami massakkut innermik anitsivoq, taamaammat gassi kissartoq arsakullu qasersut maanna aniasorsuupput.

Illoqarfiup Ketepip, qaqqamit innermik anitsisartumiit kilomiiterinik qulit missaannik ungasitsigisumiittumi illorpassuit maanna inoqanngikkaluit qaliaat arsakunik ulinneqarsimapput, illut tamakku inoqanngillat innuttaasut qimagussorneqareersimammata.

Innuttaasulli tamarmik ernumallutik qimagussorsimanngillat. Nunap immikkoortortaani Ketepimi innuttaasut arlalissuit ullaaq manna ulappupput, angerlarsimaffimmik silataat arsakuiarpaat, ilaasa pisiniarfiutitik pisarnermissut ammarpaat, bussillu ilaat aamma ingerlaarsimapput.

Inuit 5000-init amerlanerit, qaqqamut innermik anitsisartumut qanittumi n ajugallit, ajunaarnersuaqartillugu sillimanissaq pissutigalugu sapaatip akunnerata naanerani allamut nussortariaqarsimapput. Allat tusindtilippassuit qimagussorneqarsimapput, aammali allat angerlarsimaffitik qimakkusussimanagit.

Ketepimi inuit navianartorsiortut 14.000-it missaanniittut, oqartussaasut nalilerpaat.