Qaqqaq innermik anitsisartoq anitsingajalersoq

Tamanna pivoq, ilisimatuut qaqqap innermik anitsisartup ullut arlaqanngitsut qaangiuppata anitsilernissaanik ilimasaarereersullu. Oqartussat qaqqap innermik anitsinerata annertussusissaa 4-miissasoq oqaatigaat, taannalu anitsinerup sakkortunerpaaffiata tullerigaa, DR-imit ilisimatitsissutigineqarpoq.

Taama mianersoqqusisoqarpoq, qaqqami innermik anitsisartumi Mayon-imi, nalunaaquttap akunnerini sisamani, nuna 453-eriarluni sajussimammat. Nunap sajunneri qaqqamit innermik anitsisartumit 12 kilometerinik ungasissusilimmit tusaaneqarsinnaasimapput.

Qaqqaq Mayon 2.500 kilometeringajannik portussuseqarpoq, piffissamilu sivitsortumi arsanik aniatitsilluni nuualu anngamik aamaartuinnaalluni.

Naak oqartussaasut ulorianartorsiortoqarneranik nalunaarumminnik sakkortunerulersitsigaluartut, maanna ilaqutariit 1.300-t qaqqarsuup qanittuani najugaqartut angerlarsimaffitsik qimakkumanngilaat. Nunami tamaani guvernørip BBC-mut oqaatigaa, ilaqutariit tamakku nammineerlutik qimagukkumanngippata pinngitsaalillugit qimagutsinneqarumaartut.

Oqartussaasut politiinik sakkutuunillu amerlanerusunik piareersimatitsilersut oqaatigineqarpoq.