Saqqaq: Qaqqap sisoorneranit tassaarsuaqarnikuuvoq

Saqqami najugallit  pinngortitamit aarlerinartorsiortinneqarsinnaasumi najugaqarnertik ilisimavaat, Qullissammi akiani qaqqaq, Paatuut, 2000-imi immamut sisoormat tassaarsuarmit nunaqarfik ilaatigut anguneqarnikuuvoq.

Taamaattorli oqartussanit orninneqarlutik paasissutissinneqarnertik qujamasuutigaat.

- Saqqummiunneqaqqaarmat nunaqqatigiiusugut tamatta tupaallannikuuvugut assut. Immaqa 2017-imi pisimasoq Nuugaatsiami annertuumik eqqarsaatigineqarnikuugami,  Saqqami innuttaasoq Uno Jensen taama oqarpoq.

AAMMA ATUARUK Saqqarmiut tupaallattut

Saqqami innuttaasunik ataatsimiisitsinermut takkuttut 60-it missaanniipput, taakku ilagaat nunaqarfinni aqutsisuni ilaasortaq.

- Paasisaqarnartorujussuuvoq qujanartumik. Inuppassuit peqataapput. Naalakkersuisorlu. Taamaalilluta paaserusutagut amerlanerpaat paasivagut, nunaqarfimmi aqutsisunut ilaasortaq Adolf E. Jensen taama oqarpoq

AAMMA ATUARUK Sumiiffiit allat 18-it qaqqanit sisoortoqarsinnaanera pillugu misissuiffigineqalersut

Innuttaasunik ataatsimiititsineq iluarisimaarneqartoq

Saqqarmiulli tassaarsuaqarneranit eqqorneqareersimagamik assingusumik pisoqaqqissinnaanera ilisimavaat.

- Taakkua misilittagaqarfigereerpagut. Aamma sukkulluunniit taama pisoqarsinnaasoq naatsorsuutigereersinnaagatsigu,  taamaattumik piareersimavagut qanoq pisoqassagaluarpat qanoq iliornissatsinnut, Adolf E. Jensen taama oqarpoq.

AAMMA ATUARUK Qaqqanit sisoortoqarsinnaanera aarlerinaateqartoq uippallernanngilarli

Oqartussanilli orninneqarlutik nassuiaanneqarnertik qujamasuutigigaat Uno Jensen oqarpoq

- Pisussaasut, oqaraanni immaqa tamarmik, maani nassuiaassinerat assorujussuaq nunaqqataalluni toqqissiallannarpoq, Adolft E. Jensen oqarpoq. 

Innuttaasut pitsaanerusumik paasissutissinneqartarnissaat piumasaraat

Taamaakkaluartorli tusagassiuutit aqqutigeqqaartinnagit innuttaasut siulliullugit misissuinernit inerniliussanik saqqummiussisoqartarnissaa kissaatigineqarpoq.

- Innuttaasut toqqissillutik maaniinnissaat pillugu maanimiut siulliullugit nalunaarfigineqartarnissaat taanna piumasarivara,  Saqqami innuttaasoq  Uno Jensen oqarpoq. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat