Anitsisulli qullaatsitai inuit uumasulluunniit peqqissusiannut maannakkorpiaq aarlerinaateqanngillat, nakorsaaneq Flemming Stenz taama oqarpoq.
- Innermik anitsisup qullaatsitai Kalaallit Nunaata Kujataata qulaaniittut qutsingaatsiarput saattunnguullutillu, taamaalillutillu annertuumik nakkaassanatik, taakkualu uumasunut inunnullu annertuumik kinguneqassanatik, Flemming Stenz oqarpoq.
Ajornerpaamik pisoqassappat pujoralaat puannut ajoqutaasinnaapput.
- Tassami arsakut annertuumik nakkaasimassappata, tamakkua taava puatsigut nappaatinik ersiuteqartitsisinnaapput aammalu inuit kontaktlinsinik atuisut ameraasaminni assigisaannilu ungilatsitsilersinnaallutik, pingaartumilli inuit napaatigiualikkaminnik pualluuteqartut, issanngusartut kiisalu KOL-imik nappaatillit ippigusulersinnaallutik. Pujoralaat mikisuararsuusarput puaallu aqqutaannut qamungangaatsiaq pisinnaallutik taamaalillutillu ippigusulersitsisinnaallutik, kisiannili maannakkorpiaq eqqartorneqartuninngarnit amerlanerujussuit aatsaat ajoqusiisinnaapput, nakorsaaneq Flemming Stenz oqarpoq.
- Oqartoqarsinnaavoq Danmarkimi Europamilu aammattaaq pujoralaat annertoorujussuit nakkaanerannit allaat eqqorneqartuni, suli taakkua peqqissutsimut akornutaasumik kinguneqanngitsut. Taamaalilluta maannakkorpiaq isumakuluttariaqanngilagut, nakorsaaneq Flemming Stenz taama oqarpoq.