Qaqortup umiarsualiviani ajunaalernermik kalerrisaarutit

Taamaalilluni aamma Kommune-p Imarsiornermik Ilinniarfik Paamiuniitttoq kiisalu Aalisartitseqatigiiffik APP suleqatigalugit ukioq manna aappassaat imaatigut sillimaniarnermik pikkorissartitsipput.

Kommune Kujallermi Inuussutissarsiuteqarnermut Suliffissaqartitsiniarnermullu Ataatsimiititaliap siulittaasua Kalistat Lund oqarpoq ilinniartitsineq suliffissanik pilersitsiumaartoq.

Taassuma innersuussutigaa upernaaq pikkorissartitsinermi siullermi 17-it peqataasimasut. Taakkunannga APP-ip kilisaataataanni 15-it aalajangersimasumik inuttaalersimapput, maannakkullu pikkorsissartitsinerup aappaata ingerlanneqareernerani iluatsitseqqinnissaq siunniunneqarpoq. Maanna pikkorissaqataasut 14-iupput tamarmik imaatigut angallannermi sillimaniarnermut atatillugu allagartallit.

Kalistat Lundip oqarneratut, suliffeqarfiit sumiiffinneersunik atorfinitsitsitserusunnerat kommune-p tungaanniit naammagisimaarneqartorujussuuvoq.

- Aammalumi sumiiffinni ataasiakkaani sulisussarsiortarnerput qulakkeerniarlugu suliinnassaagut taamaattumillu pikkorissarnerit inatsisitigut pisussaaffiliisut sulisunit peqataaffigineqartassapput, kommune-miit taamatut oqartoqarpoq.

Aammattaaq tamanna APP-miit isumaqataaffigineqarpoq. Pisortaq Markus Jacobsen isumaqarpoq, inuit Nanortalimmeersut, Alluitsup Paaneersut kiisalu Narsameersut pikkorsissanermut allagartatik pissarsiariniarlugit ungasissorujussuarmut angalasariaarummata tamanna aningaasanik atorluaanerusoq.

- Taamaalioreernermi suliffittaarnissaq periarfissaqarluartoq, Markus Jacobsen-imit oqatigineqarpoq.

Pikkorissarneq Namminersorlutik Oqartussanit PKU-mik taaneqartartunik aningaasanik atugassiissutai atorlugit ingerlanneqarpoq suliffeqarfillu ininik annaasiniarnermilu atortunik atukiivoq.