VIDEO Qaqortumut takornariat tikeqaat
Assiliisaqattaarnersuaqarpoq. Ujaqqanit ilusilersukkat: Ujarak Inullu soqutigineqarluarput.
- Nuannareqaakka, sumiiffimmi ilisarnaataalluarput, suliat kusanartuusut isumaqarpunga, Harriet Thomas, St. Louis Missourimeersoq, KNR-imut oqarpoq.
Harriet Thomas uinilu Ron Thomas USA-mi St. Louis Missourimeersut tamarmik isiginnaartitsisartuusut, aatsaat siullerpaamik Qaqortumiipput.
- Illoqarfik kusanartoq tikillatsiarparput, alutornarluinnarpoq, Harriet Thomas oqarpoq.
Harriet isiginnaartitsisartuunermi saniatigut assilisaminik atuakkiortarami ujaqqat ilusilersukkat atuakkiamini ilanngutissallugit oqarpoq.
Uiatalu assilisani angerlaruni suleqatigigisartakkaminut kammalaatiminullu isiginnaartissallugit qilanaalereerpoq.
- Assilisakka qarasaasiannut toqqorterneqassapput. St. Louisimut angerlaruma suleqatigisartakkannut ilinniartunullu isiginnaartinnissaat qilanaarnarsereerpoq, Ron Thomas KNR-imut oqarpoq.
Umiarsuarlutik takornariat USA-meersut Tyskit umiarsuaanni Veendamimi katillugit ullut 35-it angalassapput.
Qaqortumeereerunik Europap tungaanut angalassapput.
- Bostonimiit aallarpugut, ullut 35-it angalasussaavugut. Vikingit nunagisimasaat aqqusaartussavagut. Kalaallit nunaat. Island, Qaasuitsup killeqarfia aqqusaartussaavarput, tamatumalu kingorna Irlandimut, Amsterdamimut utimullu angalassaagut. Ullut 35-it sivisunaalaartussaasavarput, Ron Thomas oqarpoq.
Ukioq manna umiarsuit takornariutit 22-t katillugit 17.700-nik ilaasullit Qaqortumut aqqusaarnissaat pilersaarutaavoq.