Qaqortumi toqutsisoqartoq

NUTARTIGAQ Qaqortumi angut inuusuttoq toqutaasimavoq.

Qaqortumi arfininngormat toqutsisoqarpoq. Tamanna Nuummi politiini pigaartuusup Katrine Johnsenip KNR-imut uppernarsarpaa. 

Toqutsineq arfininngormat ullup ilaa pisimasoq Nuummi politiit oqaatigaat, annerusumilli paasissutisseerusunngillat. 

Angut inuusuttoq toqutaasoq

Kujataani poliitit pisoq pillugu oqaaseqarumanngillat, ullaarli tusagassiutinut nalunaaruteqarniarlutik oqarput. 
Angut inuusuttoq arfininngormat ullukkut marlup missaani arnamit savimmik kapineqarsimasoq, takunnittoq KNR-imut oqaluttuarpoq. Arnaq kapisisoq pisoqarfiusumi tigusarineqarsimavoq.

Nutartigaq:

Qaqortumi politiit ilisimatitsipput arfininngormat nal. 13.35 Nuummi politiit pigaartuinut Qaqortumi savilersortoqarneranik unnerluussisoqarsimasoq.  

 

Angut 30-nik ukiulik toqungasoq nassaarineqarsimavoq. Ikiueqqaartartut uummarsaaniarsimagaluarput iluatsinngitsumilli. Ilaqutaasut ilisimatinneqareersimasut politiit ilisimatitsipput.

Pisoq politiinit paasiniaaffigineqaleruttorpoq, danmarkimiillu toqungasut timaannik misissuisartumik aggersaasoqarsimalluni.

Toqutsisoq arnaasoq ulluni 26-ni tigummigallagassanngortinneqarsimasoq politiit aamma ilisimatitsipput. 

Politiit pisoq pillugu annerusumik paasissutissiisinnaanngitsut  Laila Thomassen Fleischer kujataani politiineersoq tusagassiutinut nalunaarummi allappoq.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat