Qaqortumi toqutsisoqarsimasinnaasoq
Arnaq inuusuttoq toqungasoq Qaqortumi illumi arfininngornermi ullaap tungaani nassaarineqarpoq. Politiit tusagassiuutinut nalunaaruteqarlutik taama allapput.
Allattoq Thomas Munk Veirum
juunip 02-at 2018 13:14
Nutserisoq Ivik Kristiansen
Politiit Qaqortumi illumut arfininngornermi ullaakkut aggersarneqarput. Arnaq inuusuttoq, toqusimasutut kingusinnerusukkut nalunaarutigineqartoq, illumi nassaaraat.
Pisoq toqutsinertut misissuiffigineqartoq, angullu inuusuttoq tigusarineqarsimasoq politiit paasissutissiissutigaat. Angut toqutsisutut pasineqarpoq.
Politiit toqusunik misissuisartumik Danmarkimit tikisitsipput.