Qaqortumi toqusoqarsimanera politiit misissoraat
Qaqortumi imerniartarfiup eqqaani arnaq nakkarsimasoq tallimanngormat ullaakkut nassaarineqarsimasoq, Qaqortumi politiit uppernarsarpaat.
Allattoq Mads Pedersen
Qaqortumi nuna assanneqarsimavoq ruujorit nunap iluaniittut suliarineqarniarmata. Sisamanngormmallu unnukkut arnaq 20-it sinnilaarlugit ukiulik assanneqarsimasumut nakkarsimasoq, tallimanngormmallu ullaakkut nassaarineqarsimasoq, unnukkullu toqusimasoq Qaqortumi politiit uppernarsarpaat.
Naluneqarpoq arnaq taanna pinerluffigineqarsimanersoq. Pisorli pasitsannartoqarsimammat toqusunik paasiniaasartut Danmarkimiit aggersarneqarsimapput.
Misissuineq pitinnagu pinerluttoqarsimanersoq ajutoortoqarsimanersorluunniit politiit oqaatigisinnaanngilaat.