Qaqortumi terianniat perlerortut mianersorfigeqquneqarput
Paasisaq tunngavigalugu Kommune Kujallermi Teknikkimut, Ineqarnermut Avatangiisinullu immikkoortortaqarfik mianersoqqussuteqarpoq.
Qimmiutillit qimmiutitik pituutalerlugit aneeruttassavaat, pituutaqanngitsut savat qimmii minillugit toqunneqartassammata.
Aamma eqqaamaqquneqarpoq qimmiuteqaraanni qitsuuteqaraanniluunniit taakku ukiut pingasut kingulliit iluanni perlerornermut akiuussutissamik kapitissimassammata.
Innuttaasut aamma teriannissamik takugunik qanillinaveersaaqquneqarput, inullu teriannissamit kiineqarsimaguni erngerluni peqqinnissaqarfimmut saaffiginneqquneqarpoq. Qimmit uumasullu allat eqqumiitsumik pissusilersulersut malunnarsippata Inuussutissarsiornermik pisortaqarfimmut nalunaarutigeqquneqarput, imaluunniit uumasut nakorsaannut Qaqortumiittumut nalunaaqquneqarlutik, oqarasuaammut 64 22 38-mut 49 28 49-mulluunniit. Qaqortumit nalunaarut taamatut ingerlateqqilaarparput.
