Qaqortumi Telepostimi tillinniarsimasut ujaarineqartut
Ujaarineqartut Telepostip igalaava aseroriarlugu pingasunngornerup ullaavani tillinniarsimapput.
Tillinniartoqarnerani oqarasuaatit mobiilit 27.000 koruunit nalinganoortut tillinneqarsimasut, Kujataani politiit ilisimatitsissutigaat.
Politiit napertorlugit inuit marluk tillinniarsimapput, kingornalu Qaqortumi bygning 17-ip tungaanut qimaasimallutik. Tillinniat qimaanerminni Ipadeq katassimasaat Telepostimut utertinneqarpoq.
Tillinniat qanoq isikkoqarnerannut paasissutissat killeqarsimapput. Politiillu naapertorlugit tillinniartup aappaa qernertumik kavaajaqarsimavoq aappaa tungujortumik qaamasumik kavaajaqartoq.
Pisinniarfimmi tillinniarfiusumi tillinniat tumii nassaarineqarsimapput naatsorsuutigineqarporlu skuut angissusaat størrels 39-nngikkunik 40-uussasut.
Taamaattumik tillinniarnermut atatillugu takunnissimasinnaasunik ilisimannittunilluunniit kujataani politiit attaveqarusupput.
Mobiilillu Iphonit, Samsungit, Huaweit, Motorolat Alcatelillu akikitsunngorlugit neqeroortoqarsimanersoq aamma politiit paasisaqarfigerusuppaat.