Qaqortumi suliffissaalqineq akiornialerpaat
Ukiuni kingullerni Qaqortup kommuneata suliffissat 60-it sinnerlugit annaasimavai, tamanna pissuteqarpoq suliffissat illoqarfinnut allanut nussorneqarsimammata.
Taama nalunaarput Inuussutissarsiornermut naalakkerusuisoq Johan Lund Olsen Qaqortullu borgmesteria Tommy Mary.
Tamanna kinguneqarpoq ilinniarsimanngitsut allaffimmiutullu ilinniagallit 250-it missaanniittut suliffissaaleqinerujussuannik, kinguneranillu ikiorsiissutinik kommunip tunniussaqartarnerata annertuseriarujussuarsimaneranik.
Maanna Namminersornerullutik Oqartussat Qaqortullu kommunea ajornartorsiutip aaqqinniarnissaanut suleqatigiilerput.
Naalakkersuisut siulittaasuat Hans Enoksen aamma Inuussutissarsiornermut naalakkersuisoq Johan Lund Olsen Qaqortullu borgmesteria Tommy Mary suleqatigiissitamik pilersitsipput, piffissami aggersumi suliffissaaleqinerup annikillisarnissaanut suleqatigiiffiusussamik. Suleqatigiissitaq decembarip aallartilaarnerani ataatsimeerngaassaaq.
