Qaqortumi qinersisinnaasut massakkut 2321-iupput. nalunaaqutaq aqqanermut 382-it qinersiartorsimapput, procentinngorlugit 16,5 procentiullutik, 2005-imi taamaalinerani 16 procentiupput.
Qaqortumi sila qulisimagaluarluni silagissutut oqaatigineqarsinnaavoq. Qinersisoqaraangat qinersiviup katersortarfiup eqqaani partiit assigiingitsut ullaarnganiit kaffillertaraluarput, ullumikkullu taamaaliortoqanngilaq, kingusissukkulli kaffillertoqalissasoq oqaatigineqarpoq.
Pitsorluttut utoqqaallu qinersiartorusuttut Qaqortumi oqarasuaammut sianerlutik aaneqarnissaminnut aamma periarfissaqarput. Taakua 64 21 36-imut sianerlutik kiffartuunneqarsinnaapput.