Arkivfoto. Assi: KNR // Anton Gundersen Lihn

Qaqortumi qatserisartut arfineq marluk tunuarput

Qaqortumi qatserisartut arfineq marluk upalungaarsimanermut pisortassamik toqqaanermut isumaqataanatik tunuarput. Kommune Kujalleq isumaqarpoq upalungaarsimaneq ernumananngitsoq

Kommune Kujallermi upalungaarsimanermut pisortassamik  toqqaasoqarmat Qaqortumi qatserisartut arfineq marluk sisamanngornermi unnukkut tunuarput.

Kommune Kujalleq tusagassiuutinut nalunaaruteqarluni taama allappoq.

Qatserisartut tunuarnerat upalungaarsimanermut pisortassamik toqqaasoqarneranut akerliullutik tunuarniuteqarput, tamannalu upalungaarsimanermi pisortanngornissamut neqeroorfigineqartup aamma tunuarneranik kinguneqarpoq.

Qatserisartut tunuarnerat kommunemi innutaasunut ernumananngitsoq, tusagassiuutinut nalunaarummi erseqqissaatigineqarpoq.

-Tunuartoqaraluartoq upalungaarsimaneq aarlerinanngilaq, qatserisartut naammattut piareeqqammata,

Kommune Kujallermi upalungaarsimanermut pisortaagallartoq Peter Mathiassen tusagassiuutinut nalunaarummi taama oqarpoq.

Qatserisartunik tunuartoqarneranik aallaaveqartumik Nanortalimmiit ikiortissamik tikisitsisoqarpoq,

qanorlu ingerlariaqqittoqarnissaa Teknikkikkut Avatangiisinullu Ataatsimiititaliap aalajangiiffigissagaa tusagassiuutinut nalunaarummi allassimavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat