Qaqortumi politiit biilerluni apukkaminik qimaannaasoq ujaraat

Kujataani Politiit Qaqortumi qitiusoqarfiata aqqusinikkut angallannermi ajutoornermik takunnissimasinnaasunik ujartuivoq.

Arnap biilinit aportissimanera politiinut pingasunngormat unnukkut nalunaarutigineqarpoq. Arnaq napparsimmaviliaanneqarpoq ajoqusersimanerminillu nakorsarneqarluni.

Arnaq pineqartoq 50-it sinnilaarlugit ukioqarpoq Nuiariallu Sivinganikasiatalu nalaani aportilluni.

Biili aporsisoq tungujortumik taartumik qalipaateqarpoq, varevogniugunarluni imaluunniit taamaattumut assingulluni. Biilimik ingerlatsisup uninnani ikiuinanilu sumiiiffik qimaannarsimavaa.

Arnaq aportittoq isumannanngilaq, ajoqusersimanerminilli nakorsarteqqinniarluni Nuummi Dronning Ingridiup Napparsimmavissuanut aallartinneqassasoq, politiit taama ilisimatitsipput.

Ajortoortoqarneranik takunnissimasut imaluunniit biilimik oqaluttuarineqartumik sumiiffimmit ingerlasumik takunnissimasut Qaqortumi politiinut oqarasuaatikkut 70 11 22-mut sianerlutik attaveqaqquneqarput.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat