Qaqortumi politiit angallatini tillinniat mianersoqqussutigigaat
Qaqortumi inuit Qaqortumi Politiinut sapaatit akunnerani kingullermi siarngupput.
Inuit angallataanni tillinniartoqarsimaneranik angallatillu serlersaarfigineqarsimanerannik nalunaarutiginnipput.
- Angallatini tillinniartoqarsimaneranik sapaatit akunneranni kingullermi nalunaarutiginnittut ikinnerpaamik arfiniliupput. Ukiuni kingullerni nalunaarutiginninnernit amerlanerupput, politiassistenti Minik Boassen oqarpoq.
VHF-radiot pigisallu allat nalillit tillinneqarsimapput. Tillinniallu nalilinnik tillitassaqanngikkaangamik nerisassanik allanillu tillittarsimapput, politiassistenti nassuiaavoq.
- Inuit nerisassaatitik, aallaasitik imassaatitillu nassartassagaat angallatertik qimaleraangamikku nassartassagaat kajumissaarutigaara, Minik Boassen oqarpoq.
Qaqortumi inuit tillinniartoqarsimaneranik ilisimannikkunik takunnissimagunilluunniit Qaqortumi politiinut 70 11 22-mut sianeqquneqarput.
Qaqortumi politiit angallatini tillinniarnerit misissuiffigileruttorpaat.