Tassami politeeqarfik solaarimik maqisoortoqarneratigut arfininngormalli matoqqavoq. Solaari 8-900 liiteri kiassaateqarfimmut kuussimasoq tamarmi piiarneqareeraluarpoq, solaarisunnili ima sakkortutigaaq politeeqarfik isersimaffigineqarsinnaanani. Qaqortumi politiit politeeqarfimmut qaqugu uteqqissanerlutik oqaatigisinnaanngilaat. Taamaattorli politiit angerlarlutik sofami nalaasaarujuuginnanngillat, tassami illoqarfimmi nakkutilliinertik ingerlatiinnarpaat. Politiini pigaartoq pissarsiariniaraanni 49 41 22-mut sianertoqarsinnaavoq.