Qaqortumi pinngitsaaliisoqartoq
Qaqortumi politiit suli paasiniaapput ukiortaap unnuaani pinngitsaaliinermut atatillugu Illoqarfittaami Tasersuup ungasinngisaani pisumut.
- Arnaq 31-nik ukiulik pinngitsaalineqarsimavoq annersarneqarsimallunilu. Pinerluttorli kinaassusersisinnaasimanngilaa, taama KNR-mut oqarpoq Qaqortumi politiini ulluinnarni aqutsisoq Erik Rasmussen.
Qaqortumi politiit inuit takunnissimasinnaasut tusagaqarsimasinnaasullu attavigerusuppaat. Pinngitsaaliineq silami pisimavoq unnuap qeqqata marlullu akornanni. Qaqortumi politiit oqarasuaatigaat 642222.
Qaqortumi politiit aamma ukiortaap unnuaani kalerrinneqarput sakkortuumik annersaasoqarsimaneranik. Angut immiaaqqap puuanit milortissimavoq.
- Angut eqqorneqartoq qaamigut pingasunik itisuunik kilersimavoq annersaasorlu sapaatit akunnerini sisamani tigummigallagassanngortinneqarpoq, taama Erik Rasmussen nassuiaavoq.
Kujataa maanna aputeqanngiusavippoq ivikkat pannaariit sumi tamani nuisallutik.
Taamaammat qummoroortaatit piliaannik sumiiffinni arlalinni nuna ikuallattarsimavoq Qaqortumi iliveqarfitoqaq ikuallangaatsialeraluarsimalluni. Ikuallattoqarnerani qujanartumik inunnik ajoqusertoqanngilaq.