Qaqortumi peqatigiiffiliorput
Meeraqarpoq pikkorissunik aamma meeraqarpoq sussasaaleqisartunik illoqarfitsinni. Taakkua meeqqat ajornasiortut ikiorsinnaavagut atuakkatigut imaluunniit arlaatigut, soorlu katunngutsinniarlugit, soorlu kalaallit qanga anersaavat imminnut inuit ikioqatigiittut. Ilikkarniassagamikku aamma kinguaata.
Qaqortumi meeqqat suut ajornartorsiutigigamikku?
Naliginnaasoq nunatsinni tamani. Snifferniartarnerit, tillinniartarnerit taavalu sumiginnakkat.
Ajornatorsiutinut taakkununnga politikerit akisussaasuunnginnamik?
Inuiaqatigiit aamma uagut isigivarput akissussaasuusut. Politikkerit tunuliaqutariinnarsinnaanngilagut. Inuiaqatigiit tamatta ikioqatigiittariaqarpugut. Taamatuttaaq ilinniartittariaqarpagut kinguaavut. Kommunini pisortani sullissisut ulapereeqaat, inuiaqatigiinni kikkuugaluarpataluunniit ikioqatigiilluta aaqqinniarneqarsinnaavoq peqatigiiffik aqqutigalugu.
Sooruna peqatigiiffiliortariaqarsimasusi?
Unnukkut pisuttuarluni, allaavinnginnami meeqqat tujormerpasittartut. Ilaat oqariataartaramik angajoqaavut nakeqqagamik angerlarusunngilanga. Taamatut annissiffigineqarluni tupannartarnermik.
