Qaqortumi naluttarfiliortoqassaaq
Qaqortumi naluttarfissaq titartaanikkut qanoq iluseqassanersoq, Qaqortup kommuneata ukiup tulliani unammisitsissutiginialerpaa.
Unammisitsisoqalernera Qaqortup kommuneata ukioq 2008-mut missingersuutaani Kommunalbestyrelsemi ilaasortanit akuerineqartumi takuneqarsinnaavoq.
Qaqortumi sanaartorneq, meeqqat, inuusuttuaqqat ilaqutaariillu sullinneqarnerat annertusiartoraluartoq, kommunemut akileraarut nikisinneqarani 28 procentiuinnassaaq.
Aamma akileraartarnikkut nikisitsinnginnermi, inuussutissarsiornikkut ingerlallualeriartornerup kingunerisaanik akileraartutitigut isertitaqarnerunissaq neriuutigineqarmat.
Qaqortup kommuniani aningaasat missigersuutigineqartut 181 millioni koruuniupput, 1,4 millioni koruuninillu sinneqartoornissaq ilimagineqarluni. Meeqqat, inuusuttuaqqat ilaqutariillu sullinneqarnerat, isumaginninnermut siunnersortimik meeqqanik atuartunik ajornartorsiortunik sullissisussamik atorfinitsitinnikkut pitsanngorsaaviginiarneqarpoq. Meeqqat atuarfianni atuartut nerisaqalernissanut aamma aningaasaliisoqarpoq. Inissialiortitserinissanullu immikkut aningaasalersuisoqassalluni.
