Qaqortumi ivigaasaaqqanik arsaattarfittaaq atoqqaartinneqassasoq

(Nal. 14.05 nutarterneqarpoq: Kommune Kujalliup KNR-imut paasissutissiissutigaa Qaqortumi ivigaasaaqqanik arsaattarfittaap atoqqaartinneqarnissaa, silap ajornera pissutigalugu sapaatit akunnerata tulliani ataasinngornermut kinguartinneqartoq.)

Kommune Kujallermi borgmesteri oqalugiassaaq arsaattarfittaarlu atoqqaartillugu kommunimi sulisut K-33-p meerartaanut unammissallutik.

Qaqortumeersut K-33-p Narsameersullu N-85-ip angutitaat kingorna aamma unammissapput.

- Ivigaasaaqqanik arsaattarfik piffissami sivisuumi utaqqisarput kiisami tassa piviusunngorpoq, tamannalu inuusuttunut meeqqanullu sammisassaqartitsiniarnermi periarfissiilluassaaq,  Qaqortumi kultureqarnermut sunngiffimmilu sammisassaqartitsinermut aqutsisoq arsaattarfittaarniarnermilu ataqatigiissaarisoq, Kent Kielsen, oqarpoq.

AAMMA ATUARUK Qaqortoq får en kunstgræsbane

Arsanik 500-inik tunissuteqartoq

Qaqortumi ivigaasaaqqanik arsaattarfimmik atoqqaartitsineq iluatsillugu arsanik tunissuteqartoqassaaq. Arsat 500-it Qaqortumi, Narsami, Nanortalimmilu agguaanneqartussat Otto Motzfeldtimit tunniunneqassapput.

Otto Motzfeldt qaammatisiutinik kujataaneersunik assitalinnik tuniniaasimavoq, sinneqartoorutillu kujataamiut meerartaannut tunniukkusussimavai.

AAMMA ATUARUK Narsaq indvier ny kunstgræsbane