VIDEO Qaqortumi isikkamik arsaannermik ilinniarfik nuannarineqarluarpoq

Isikkamik arsaalluni Qaqortumi ilinniarfik meeqqanit sineriammeersunit ukiuni kingullerni 15-ini iluaqutigineqarluarsimaqaaq, igaffimmiu Stella Olsen nerisassiuuttarsimavai, Jonathan Isbosethsenilu sungiusaasooqataasarluni.

Meeqqat tallimanit 15-it tungaannut ukiullit arsaattarfik ivigaaraasalik sapaatip-akunnerata massuma ingerlanerani atorluarpaat. Isikkamillu arsaannermi pikkorissaasarneq aallartimmalli pissutsit allanngungaarsimagunanngillat:

 

- Sungiusaariaaseq immaqa taamaaginnaraluarpoq, kisianni arsarfiup nutarternerani pitsannguutit ilagivaat, Jonathan Isbosethsen oqarpoq.

Aamma atuaruk Arsaannermik ilinniarfik 

Nunatsinni arsaattarfik ivigaaraasalik siulleq Qaqortumi 2009-mi atorneqalerpoq, siunissarlu nuannaartorisallu aamma eqqarsaatigineqartarput:

 

- Alliguma GSS-imi arsaattartunngorniarami, GSS aamma nuannilaartorujussuuvoq, Nuummiu Minik Kuka Lyberth oqarpoq, nuannaartorisaalu arsaattartoqatigiit annersaanneersuupput:

 

- Messi, Ronaldolu, Neymarilu nuannaartorivakka, Real Madrid FC-milu FC Barcelonamilu arsaattartut taagorlugit.

 

Jonathan Isbosethsenillu nassuerutigisariaqarunarpaa nuannaartorineerunnikuulluni:

 

- Tassami nuannaartorisaqarpoq, soorlu Neymarikkut, Messikkut Ronaldokkut, uagut nuannaartorineerunnikuuvugut, Jonathan Isbosethsen illaatigaluni oqarpoq.

 

Aamma atuaruk Arsaannermik ilinniarfik qulakkeerneqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat