Qaqortumi atuarfiup pisortaa sulinngiffeqarallartinneqartoq
Kommune Kujallermi ingerlatsivimmi pisortap Jens Korneliussenip Qaqortumi angajoqqaanut atuartuutilinnut tallimanngormat allagaqaatani tamanna atuarneqarsinnaavoq.
Angajoqqaanut allagaqaat naapertorlugu kommunimi Meeqqanut Inuusuttunullu ingerlatsiviup naammagittaalliuutaasimasut atuarfimmilu sulisut oqaloqatigineqarneri tunngavigalugit Tasersuup Atuarfiani suleqatigiinnermut tunngasut maanna misissorneqarput.
Misissuinerullu naammassineqarnissaata tungaanut atuarfiup pisortaa taassumalu tullersortaa suliartortassanngikkallartut aalajangerneqarsimasoq, ingerlatsivimmi pisortaq Jens Korneliussen taama allappoq.
Atuarfimmi pisortaq soraarneq Ejnar Lyberth Tasersuup Atuarfiani utaqqiisaasumik pisortatut ivertinneqarallarpoq.
Angajoqqaat kingusinnerusukkut ilisimateqqinneqarumaartut ingerlatsiviup neriorsuutigaa tamannali qaqugu pissanersoq oqaatigisinnaanngikkallarlugu.
