Qaqortumi Tasersuup Atuarfiani 6. a-ni atuartut ilinniarsimasunik ilinniartitsisussaaleqipput. Angajoqqaat atuarfiup pisortaanut allagaqarput atuarfiullu siulersuisuuneri piaartumik iliuuseqaqqullugit. Angajoqqaat allapput saaffiginnissuteqartarnerigaluatik kinguneqarneq ajortut. Qaqortumi Tasersuup atuarfiani pisortaq
Gerhard Egede oqarpoq, septemberip qaammataani ukiumi atuarfiusussami pilersaarusiami timelærereqarnissaq angajoqqaanit akuerineqarsimasoq.
- Atuartut 5.klassimiikkallaramik tamarmik ataasiakkaarlutik atuartinneqarsimapput pisinnaasaat annertuallaarmat aaqqiviginiarneqarsimalluni. Maanna timelæreriusup assigiiaarnerusumik aallaaveqarnissat anguniarsaraa, Gerhard Egede oqarpoq.
Gerhard Egede aamma oqarpoq apriilimi aammalu septemberimi angajoqqaat ataatsimeeqatigineqarsimapput atuartut atuartinneqarnerat pillugu.
Gerhard Egede isumaqarpoq angajoqqaat timerlærerillu suleqatigiinnerisigut angusassat pitsaanerusut piviusumillu aallaaveqartumik anguneqarsinnaasasut.