Qaqortumi arnaq toqutsisimasutut pasisaalluni unnerluutigineqartoq
Kalaallit Nunaanni Politiit avammut tusagassiisartuat Henrik Madsen taama ilisimatitsivoq.
Arnaq pineqartoq angummik 30-nik ukiulimmik juunip ulluisa 18-ianni ualikkut nalunaaqutaq ataatsip 13:22-llu akornanni savimmik kapisisimasutut pasineqarpoq.
Arnaq pinerluttulerinermi inatsimmi paragraf 86 naapertorlugu pasisaavoq, toqutsisimasutut pasisaalluni eqqartuussivilersuunneqartussanngortinneqarluni.
Politiit paasissutissanik sukumiinerusunik tunniussisinnaanngikkallartut, politiit tusagassiisartuata Henrik Madsenip KNR-imut oqaatigaa.
Aamma atuaruk Qaqortumi toqutsisoqartoq
Arnaq Eqqartuussisoqarfik Kujallermit ulluni 26-ni tigummigallagassanngortinneqarpoq. Eqqartuussivimmut sassartitsisoqarmat matut matoqqatinneqarput, takunnittulli KNR-imut oqaatigaa arnaq toqutsisimasutut pasisaasoq 40-t qiteqqusimalerneranni ukioqartuugunartoq. Takkunnittup aamma oqaluttuaraa angerlarsimaffimmi katerisimaartoqarnerup nalaani toqutsisoqarsimasoq, arnalu politiinit tassani tigusarineqartoq.
Suliaq toqutsisoqarsimanerattut Qaqortumi politiinit misissuiffigineqarpoq, soorlu aamma toqusoqarsimatillugu misissuisartumik Danmarkimit aggersaasoqarsimasoq
Arnaq pinerluttulerinermi inatsimmi paragraf 86 naapertorlugu pasisaavoq, toqutsisimasutut pasisaalluni eqqartuussivilersuunneqartussanngortinneqarluni.
Politiit paasissutissanik sukumiinerusunik tunniussisinnaanngikkallartut, politiit tusagassiisartuata Henrik Madsenip KNR-imut oqaatigaa.