Assi: Pressefoto/Rigspolitiet

Qaqortumi angut toqutaasimasoq nassaarineqarpoq

Qaqortumi angut toqungasoq tallimanngornermi unnukkut siumormeqarpoq. Angut 19-nik ukiulik toqutsisimasutut pasineqartoq politiinit tigusarneqarpoq, peqqarniitsumik persuttaasoqarsimaneranik nalunaaruteqartoqarnerata kingorna.

Qaqortumi angut 67-nik ukiulik inigisami toqungasoq tallimanngornermi unnukkut nassarineqarpoq. Angut 19-nik ukiulik toqutsisimasutut pasineqartoq, politiinit tigusarineqarpoq, peqqarniitsumik persuttaasoqarsimaneranik nalunaaruteqartoqarnera kingorna.

Taama paasissutissiivoq Kalaallit Nunaanni politiini pigaartoq, Aqqaluk Petersen KNR-mut.

Politiit tallimanngornermi unnuap qeqqanut tanneq qulingiluanngortoq nalunaarfigineqarput peqqarniitsumik persuttaasoqarsimasoq  Qaqortumi inissiami Majavejimi.

- Politiit inissiamut apuunneranni angut annertuumik ajoqusersimavoq uumanngitsorlu, Aqqaluk Petersen KNR-imut taama oqarpoq.

Angut 19-nik ukiulik toqutsisimasutut pasineqartoq arfininngornermi eqqartuussivimmi killisiorneqarluni sassartinneqassaaq, Aqqalu Petersen taama paasissutissiivoq.

Politiini pigaartup ilanngullugu nalunaarutigaa, Kalaallit Nunaanni politiit pinerluttoqarsimatillugu misissuisartunik Danmarkimeersunik ikiorneqarumaartut, toqusimasunik misissuisartumik pinerluttoqarsimatillugulu misissuisartunik teknikerinik marlunnik Danmarkimit marlunngorpat tikittoqarumaartoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat