Qaqortormiu 3,7 millioni koruuninik eqquisoq
Allattoq Mads Lynge
Qaqortormiu lottomi eqquingaatsiarpoq, sulili nalunaarsimannginnami kinaanersoq ilisimaneqanngilaq.
Kupon-i Qaqortumi Brugsenimi pisiarineqarsimavoq, aningaasallu eqqorneqartut 3,7 millioni koruunit sinnerpai, tassa 3.760.603 koruuniugamik.
Danskespil naggat dk taama allappoq.
Kingullermik millionit sinnerlugit nunatsinni eqquisoqarmat 2003-mi maajip qaammataani 1,6 millioni koruuninik eqquisoqarpoq.
Lottortarneq 1989-imi aallartippoq, inuillu nunatsinneersut qulingiluat maannamut millionærinngorsimapput.