Qaqortumi arnaq sisamanngormalli ujaarineqalerpoq.Assi: Connie Fontain

Qaqortoq: Politiit arnap ujaarineqarneranut atatillugu innuttaasunit ikioqqupput

Arnaq 35-nik ukiulik Qaqortumi sisamanngormalli ujaarineqalerpoq. Innuttaasut quinut, naqqup ataannut biilinullu misissuinissaat politiit kaammattuutigaat.

35-nik ukiulik Peerstaat Isaksen Qaqortumeersoq sisamanngormalli ujaarineqalerpoq.

Taanna arfininngornermi suli nassaarineqarsimanngilaq.

AAMMA ATUARUK Politiit arnaq 35-nik ukiulik Qaqortumi ujaarigaat

Kalaallit Nunaanni Politiit tamanna pillugu Qaqortumi innuttaasunut suliffeqarfinnullu maanna kajumissaaruteqarput:

- Qaqortumi innuttaasut quinik, naqqup ataannik, biilinik sumiiffinnilu allani misissuinissaannut kaammattuivugut. Arnaq ujaarineqartoq taakkunaniissimasinnaavoq. Pingaartumik suliffeqarfiit værkstediminnik, toqqorsivimminnik, ininilluunniit pigisaminnik allanik misissuinissaat kaammattuutigaarput, politiit tusagassiutinut nalunaarummi allapput.

Peerstaat Isaksen aalajangersimasumik najugaqarfeqanngilaq, ikinngutini ilaquttaniluunniit unnuisarluni.

Sumiiffimmi inoqanngikkajuttumiissinnaanissaa taamaammat ilimanarsinnaavoq, politiit ilisimatitsipput.

Arnaq Peerstaat Isaksenimik ateqartoq ima nassuiaatigineqarpoq:

- 35-nik ukiulik

- 155 centimerit missaannik angissuseqarpoq

- Nerinnattoq

- Qorsummik taartumik qalipaatilimmik kavaajaqarpoq, aappilarujuttumik tujuuluaraqarpoq, qernertunik qarleqarpoq tungaasanillu qalipaatilinnik kameqarluni

Politiit arnaq ujaarineqartoq pillugu paasissutissaatikimmata, qanoq pisoqarsimasinnaaneranik oqaaseqarsinnaanngillat.

Innuttaasut suliffeqarfiilluunniit Peerstaat Isaksenip ornissimasinnaasaannik ilisimannittut Kalaallit Nunaanni Politiinut saaffiginneqquneqarput. Politiit oqarasuaataasa normoraat 70 14 48.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl