Qaqortoq mittarfittaassaaq
Ataasinngormat Naalakkersuisut aalajangernissaat ilimanarpasinngilaq. Maannali neriorsuipput mittarfik sananeqassasoq.
Kujataani simiit seqqulutsissinnaanngorpaat. Qaqortoq mittarfittaassaaq. Tamanna attaveqarnermut naalakkersuisup naqissuserpaa.
- Qaqortumi mittarfiliornissaq tunngavissatut isummiupparput. Sananeqassaaq aarlerinartoqanngilaq, Steen Lynge oqarpoq.
Ataasinngormat tusagassiutitigut nalunaarummi Naalakkersuisut allakkaluarput misissuineq ingerlateqqinniarlugu, aalajangernissarlu suli ungasittoq.
Allatorluinnaq maannakkut nalunaaruteqartoqarpoq. Naalakkersuisup Steen Lynge'p naqissuserpaa naalakkersuisut siuliisa pilersaarutaat maleqqissaarlugit ingerlanneqassasoq aamma Assartuussineq pillugu isumalioqatigiissitap innersuussutai malinneqarumaartut.
- Qaqortoq piffissaliunneqarsimasut iluanni sananeqassaaq. Kinguartinneqarnavianngilaq. Piffissaliunneqarsimasoq malinneqassaaq, misissugassat taaneqarsinnaasut pilersaarutineereerput.
