Qaqortoq ivigaaraasanik arsaattarfittaalerpoq
Isikkamik Arsaattartut Nunarsuarmi Kattuffissuata, FIFA-p, tunissuteqarneratigut, Qaqortumi arsaattarfik ivigaaraasanik qallerneqarsinnaalissaaq. Tassa FIFA 2½ millioni koruunit missaannik, tunissuteqarami.
Allattoq Lotte Holm
marsip 11-at 2009 09:26
Tamanna Kalaallit Nunanni Isikkamik Arsaattartut Kattuffiannit, GBU-mit, iluarineqarpoq. Siulittaasoq, Lars Lundblad, oqarpoq, ivigaaraasanik qallikkamik Qaqortumi arsaattarfeqalernissaq qalligaluttualersoq, qullilersorneqarlunilu ungalulerneqarnissaa aamma ujartorneqarluni.
Ivigaaraasanik qallikkanik arsaattarfiliortartut sivitsorianngippat Qaqortuliassapput, akissaanullu atatillugu FIFA-mut innersuussisussaallutik.
Qullilersuillunilu ungaluliornissaq qaqortormiunit isumagineqarsinnaassaaq:
- Suliffeqarfiit Qaqortumeersut arsaattarfiup nutarterneqarnissaanut peqataatinneqarnissaat ilimagissavarput, apriilillu naajartulernerani tamanna pisinnaassaaq, GBU-p siulittaasua, Lars Lundblad, oqarpoq.
