Qaqortoq inuussutissarsiornikkut ineriartortinneqalersaarpoq

Qaqortup kommunia kujataani inuussutissarsiornikkut qitiusumik inissisimalersaarpoq.

Qaqortullu kommuniata siunissamut pilersaarusioreersimasup aningaasartuutissat Namminersornerullutik Oqartussanit akilerneqarnissaat isumalluutigaa.

- Namminersornerullutik Oqartussaniit tusartuarparput, pilersaarutinik saqqummiigussi taava taperneqarnissaq ajornannginnerussaaq. Taannalu aallaavigalugu maanna pilersaarummik saqqummiivugut, taama oqarpoq Qaqortumi borgmesteri Simon Simonsen.

Qaqortup kommuniani ukiuni kingullerni suliffissaaleqiffioqisumi inuussutissarsiornikkut ineriartortoqarnissaa siunertaralugu siunissamut pilersaarusiortoqarsimavoq.

Ilaatigut Qaqortup illoqarfianiit avannamut aqquserngup tallineqarnissaa siunertarineqarpoq, millionillu siulliit ukiup tullissaanut aningaasartuutaasussat Qaqortup kommuniata nassaarisimalereerpai.

Tamakku saniatigut aamma pilersaarutaavoq, Qaqortumi ilinniarfiit pingasut pilersinneqassasut.

Decemberimilu kujataani kommunit inuussutissarsiorneq pillugu isumasioqatigiilerpata, Qaqortup kommuniata neriuutigaa, kujataani kommunit allat peqatigalugit kujataani inuussutissarsiorneq siuarsarniarlugu suleqatigiiffiliorumaarnissartik, taamaalilluni ineriartorneq sukumiinerulersikkumallugu.

Pilersaarummut tamatumunnga aningaasat nunatta karsianeersut isumalluutigineqarput, nunatsinnilu politikerit isumaqataanissaat Simon Simonsenip neriuutigaa.

- Tassami pissusissamisuuginnarpoq sumiluunniit sanaartorfigissaanerit allallu aqquserngit allallu sanaartornermut attuumassuteqartut annertuumik aningaasaleeqataaffigisarmassuk neriuutigaarput tassuunakkut aamma aningaasaleeqataaffigineqassalluta, Simon Simonsen oqarpoq.

Taanna apereqqipparput, kujataani sullinneqarneq pitsaanerpaamik inissisimanngimmat ingammillu angallannikkut sullinneqarneq pitsaanerpaajunngimmat kommuni taamaatsillugu qanoq ililluni nukittuumik sassartaarsinnaanersoq.

- Soorunami nukittussagutta pilersaarutit saqqummiussatta assingi pisariaqarput. Takutittariaqarparpummi ilumut suliniuteqartugut, Simon Simonsen oqarpoq.

Taama Simon Simonsen Karline Platoumut oqarpoq, Qaqortumi inuussutissarsiornikkut ineriartortitsinissaq pillugu pilersaarusiaq Qaqortup kommuniata Qaqortumi inuussutissarsiutinik oqallittarfik Namminersornerullutillu Oqartussat peqatigalugit suliaraat.

Pilersaarutaavortaaq nalilersueqattaarnerit pisarumaartut,- decemberillu 14-ianiit 19-iata tungaanut siullerpaamik isumasioqatigiittoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat