Qanorpiaq utoqqaatigivit?
Inuit utaqqisaqattaarput timip piginnaasaa najoqqutaralugu qanoq utoqqaatigineq uuttortartinniarlugu. Tamanna pivoq timigissartarfimmi bodyage testinik taaneqartartut ingerlanneqarmata. Ilaat nuannaajallartarput ilaasali paasisarlugu ilungersornerulaartariaqarlutik timertik inuusunnerulaalissappat. Uuuttuinermi misiligarneqartarput qasujaassuseq, nukittussuseq, eqaassuseq, oqimaassuseq timillu orsoqassusaa. Bodyage test qanoq ingerlanneqartarnersoq unnugu Qanoruumi takusinnaavat.
Imaappoq kuisinnermi allagaqartat malillugu 46-nik ukioqaraluarlutit imaassinnaavoq timit 58-nik ukiulittut utoqqaanerusumilluunniit inissereersimasoq sunik nerisaqarnerit timigissartarnerillu nakkutigilluarsimanngikkukkit.
- Bodyage test atorlugu inuit takulluarnerusinnaalersarpaat qanoq iliorlutik timertik inuusuppasinnerulersissinnaanerlugu, Maria Grødem Nuuk Fitnessimeersoq bodyage testinik ingerlatsisuusoq.
- Imaassinnaavoq timi orsoqarpallaartoq. Imaassinnaavoq aamma eqaannerunissaq pisariaqalersimasoq, Maria Grødem assersuusiorpoq.
Bodyage testit ingerlanneqarput ataasinngornikkut, pingasunngornikkut tallimanngornikkullu. Uani sapaatip akunnerani ulikkaareersimavoq aammalu ataasiakkaat sapaatip akunnerata tullianut allatsittalereersimallutik.
