KNR-ip nutaarsiassaqartitsivia tusarnaartartuminut isiginnaartartuminullu kiffartuussinera pitsanngoriaateqalerpoq. Maannakkut TV-ikkut nutaarsiassanik aallakaatitsineq Qanorooq, aallakaatinneqarneranit ullup tulliani KNR-ip nittartagaatigut isiginnaarneqarsinnaalerpoq.
Tassa imaalerpoq, Qanoruumi nutaarsiassat takunngitsooraanni ullup tulliani ullup qeqqata siorna KNR-ip nittartagaatigut takuneqarsinnaalerluni. Erseqqissarneqarporli kinguaattoortoqarsinnaanissaanut KNR pisussaatimmat.
KNR-ip nittartagaatigut knr.gl/qanorooq qarasaasiakkut allallugu Qanoruumi aallakaatinneqarsimasut takuneqarsinnaapput. Maannakkullu Qanoruumi aallakaatineqarsimasut Jannuaarip ulluisa 24-ianinngaaniit februarip ulluisa aallaqqaataata tungaanut aallakaatinneqarsimasut isiginnaarneqarsinnaapput.
