Qanorooq qarasaasiaajartoq

Qanorooq qarasaasiap ajutoornera pissutigalugu ippassaq aallakaatinneqarsinnaasimanngilaq. Ajutoorneq, siornatigut nalaanneqarsimanngitsoq pissutigalugu, qarasaasiaq Qanoruumik aallakaatitsissutaasartoq ingerlasinnaajunnaarpoq.
Allattoq Simon Uldum
juulip 26-at 2013 08:40

-Teknikerivut ajornartorsiut iluarsiniarlugu unnuk naallugu ulappupput. Ajutoorneq siornatigut pinikuunngimmat, qarasaasiaq nalunaaquttap akunneri tallimat qaangiummata aatsaat iluarsineqarsinnaasimavoq, aaqqissuisoq Walter Turnowsky oqarpoq.

Atortorissaarutit pissusissamisut maanna ingerlapput, Qanoruullu aasaanerani aallakaatitassiaa unnugu nalinginnaasumik aallakaatinneqarsinnaassaaq. Ippassaq ilanngutassiarineqartut unnugu aamma ilanngunneqarumaarput.

- Taarsiullugu unnugu aallakaatitassarput imaqartilluarlugu aallakaatissavarput, Walter Turnowsky oqarpoq.

Sunarpiaq pissutigalugu ajutoortoqarnersoq suli paasineqanngilaq. Ajutoortoqaqqinnginnissaa anguniarlugu KNR-imi qarasaasialerinermik immikkut ilisimasallit ajutoorutaasumut peqqutaasoq maanna nassaariniarlugu misissuipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq