INI A/S-miit massakkorpiaq oqaatigineqarsinnaanngilaq inissiani attartortikkattani qanoq asbesteqartiginersoq, naak naalakkersuisut tusagassiuutitigut nalunaarutigigaluaraat inissiani attartortittakkani najugaqartut INI-mut saaffiginninnermikkut ineqarfitik asbestertaqarnersut paasisinnaagaat.
INI A/S-ip pisortaa, Kenneth Jørgensen, oqarpoq, saaffiginnittoqaraangat inissiat ornillugit nalilersorneqartarumaartut, ilumut asbestertaqarnersut takuniarlugit.
Kisiannili tassa INI A/S-ip massakkorpiaq erseqqissumik apeqquteqaatit akissutissaqarfigisinnaanngilai, ilisimaneqanngimmat inissiani najugaqarfinnilu asbesti atorneqarsimanersoq.
Kisiannili Immikkoortortaqarfinni pisortaasut massakkut ilisimalereerpaat asbest’imut tunngasut pimoorunneqassasut,
ajornartorsiullu alaatsinaanneqassasoq, Kenneth Jørgensen oqarpoq.