- Tassa imaappoq, qanermut assiaquteqarnak pisiniarfimmut immussiniarsinnaavutit, Thulesen Dahl tusagassiortunik katersortitsinermi oqarpoq.Assi: Philip Davali/Ritzau Scanpix

Qanermut assiaquteqarnissaq Danmarkip annerpaartaani piumasaqaataajunnaassasoq

Qanermut assiaquteqarnissaq Danmarkimi tamanut angallassissutini ilaasuni nikorfasunut taamaallaat ataasinngorpat piumasaqaataalissaaq.

Qanermut assiaquteqarnissaq Danmarkimi tamanut angallassissutini ilaasuni nikorfasunut taamaallaat ataasinngorpat piumasaqaataalissaaq.

Danskit peqqissutsimut ministeriat, Magnus Heunicke (S), politikkikkut nalunaaquttap akunneri aqqaneq-marlunnit sivisunerusumik isumaqatigiinniartoqareersorlu tusagassiortunik sisamanngornermi ullaakkut katersortitsinermi taama oqarpoq.

- Isumaqatigiinniarnerit inuiaqatigiinni killilersuinerit tamangajammik atorunnaarsinneqarnerinik kinguneqarput. Qanermut assiaquteqarnissaq Danmarkip annerpaartaani ataasinngorpat piumasaqaataajunnaassaaq, peqqissutsimut ministeri oqarpoq.

Qanermut assiaquteqarnissaq Danmarkimi tamanut angallassissutini ilaasuni nikorfasunut taamaallaat piumasaqaataassasoq, Dansk Folkepartip siulittaasua Kristian Thulesen Dahl oqarpoq.

- Tassa imaappoq, qanermut assiaquteqarnak pisiniarfimmut immussiniarsinnaalissaatit, Thulesen Dahl tusagassiortunik katersortitsinermi oqarpoq.

AAMMA ATUARUK Ammariartorneruleriartortoqartoq: Amerlanerusut nunatsinnut tikissinnaalersut

Qanermut assiaquteqarnissaq septembarip aallaqqaataani peqqussutaajunnaavissasoq, Danmarkimi partiit tamarmik, Nye Borgerlige minillugit, isumaqatigiissutaanni allaqqavoq.

Qanermut assiaquteqarnissaq Danmarkip ilaani piumasaqaataajunnaarsinnaasoq, professorit arlallit isumaqatigiinniartoqannginnerani oqarput.

Qanermut assiaquteqarnissaq Danmarkip ilarujussuani piumasaqaataajunnaaginnarani allannguinerit allat aamma pipput:

  • Neriniartarfiit imerniartarfiillu juulip ulluisa 15-ianni atuutilersumik unnuakkut nalunaaqutaq marlunut matusassapput. Unnukkut nalunaaqutaq aqqanermut maanna matusarput. Aqagu unnuap qeqqanut matussapput. 
  • Qitigiartarfiit imerniartarfiillu septembarip aallaqqaataani ammaqqinneqarsinnaassapput. Tuniluuttoqaqqilissappalli ammaqqinneqarsinnaanissaat kinguartinneqarsinnaavoq.
  • Atuarfiit ulluuneranilu paaqqinnittarfiit nalinginnaasumik ataasinngorpat ammasarfeqaleqqissapput. 
  • Europami isikkamik arsaalluni pissartanngorniunnermi unamminissat ilaat Danmarkimi arsaattarfissuarmi Parkenimi pissapput. Tassani unamminissani sisamaasuni isiginnaariat 15.900-nit amerlaneroqqusaasimanngikkaluarput, isiginnaarialli arfininngorpat atuutilersumik 25.000-oqqusaalissallullutik. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat