Qamuteralannik arlaleriarlutik tillittut

Qeqertarsuarmi arlaleriarluni qamuteralannik tillittoqarsimavoq. Tillittut kikkuunerat politiit suli misissorpaat.
Allattoq Noah Mølgaard
decembarip 18-at 2012 07:32

Piffissami kingullermi Qeqertarsuarmi politiit qamuteralannik tillinnernik marlunnik nalunaarfigineqarput. Allat aamma qamuteralaat tillinneqartarsimapput politiillu akuliutsinngikkaluarlugit nassaarisinnaasimallugit.

- Qamuteralannik tillinnerit sapaatit akunnerisa naaneranni unnuami pisarsimapput, Qeqertarsuarmi politeeqarfimmi ulluinnarni akisussaasoq Flemming Lauritzen KNR.gl-mut taama oqarpoq.

Tillinnerit pisarsimapput matuersaatit qamuteralanni atanngikkaluartut.

- Tillinniat ilikkarsimavaat qamuteralaat matuersaaserfia peersinnarlugu aallartinnissaat, Flemming Lauritzen oqarpoq.

- Kisianni kikkut tillittuunersut paasilinnguatsiarpara, oqarpoq.

Qamuteralannik tillinnernik takunnissimasut imaluunniit ilisimasaqartut Qeqertarsuarmi politiinut saaffiginneqquneqarput oqarasuaat 701425 atorlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq