Qamuteralaat qaatsiartaatinik taarserneqartussanngorumarput

Russeq, timmisartukkut angallannermi ingeniøri, qaatsiartaammik qamuteralannut assigusumik nassaarsimavoq, qaatsiartaat qamuteralannit sukkanerujussuarmik ingerlaarsinnaavoq.
januaarip 17-at 2011 06:31

Qaatsiartaat nassaarsiarineqartoq atserneqarpoq Gerris - Gerris latinerisut taaguutaavoq sullinermut ima oqitsigisumut, allaat arpalluni immap qaavatigut timmeralaarsinnaasumut.

Qaatsiartaat nassaarineqartoq aamma immap qaavatigut timmeralaarutigineqarsinnaavoq. Taanna apummi, marrarmi imallu qaavatigut nalunaaquttap akunneranut 150 kilometerisut sukkatigisumik ingerlatigineqarsinnaavoq.

Qaatsiaat 20.000 dollarsinik, koruuninngorlugu 110.000 koruuninik akeqarpoq.

Maannamuugallartoq qaatsiartaatit Gerris-it sisamat sananeqarsimapput, nassaartuatali ilimagaa piffissap sivisunngitsup ingerlanerani qamuteralattut sikkilisullu naliginnaalersimassasoq.

- Arlalissuanngorlugu sanaartornissaa aappaagumiit naatsorsuutigaarput, Gerris-imik nassaartoq, Vladimir Kurilov, russit nutaarsiassaqartitsiviannut rt.com-imut oqarpoq.

- Piserusuttunik utaqqisoqalereerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq