Qamuteralaat angallannermut inatsimmi ilaanngillat

Qamuteralattut sakkortuumik perlasisartut takornartaajunnaaraluartut, qamuteralannik atuinerup Kalaallit Nunaanni angallannermut inatsimmut ilanngunneqarnissaat pilersaarutaanngilaq.
Allattoq Elisa Isaksen
oktobarip 17-at 2007 13:10

Qamuteralannik ajutoornerit immikkut nalunaarsorneqarneq ajoraluartut, politmesteri oqarpoq 2004-miit 2005-mi septemberip qaammataa tikullugu qamuteralannut attuumassuteqartut ajutoornerit 22-it pisimasut. Taamatullu qamuteralaat nummerpladelersungaanngimmata qassiuneri allassimasuutigineqanngikkaluartoq, politimesterip taggippaa kalaallit Nunaanni qamuteralaat 4.500-t missaani amerlassuseqassasut. Kalaallit Nunaanni kommunini 18-iusuni kommunit sisamaannaat qamuteralaat pillugit aalajangersagaqarput. Kalaallit Nunaannilu angallannermut inatsit atuuttoq naapertorlugu qamuteralannik ingerlatsisoq 16-leereersimasussaavoq pinngitsooranilu akisussaanermut sillimmasiissummik akiliisimanermut uppernarsaammik nassaqartartussaalluni, qanoq ilisami ajutoortoqassagaluarpat politiinut takutinneqartartussamik.

Kalaallit Nunaanni angallannermut inatsit susassaqartunut tusarniutigineqaqqammerpoq, ilaatigut qamuteralinnik ingerlatsisinnaasut 18-reersimanissaat piumasaqaataaniarmat. Ilanngullugu siunertaavoq niaquernaveeqqutinik qiterutaasanillu isumannaallisaatinik atuisarnissaq piumasaqaataalissasoq. Susassaqartunilli pingaarnernit oqaatigineqarpoq maleruagassat sakkortusisat malitsinneqarnissaat ajornakusuussasoq, politiit isumaqarmata sukaterinerit suliakkersuutaavallaassasut.

Kalaallit Nunaanni angallannermut inatsit oktoberip aallaqqaataani 1992-mi atuutilersoq toqqaannartumik qamuteralannut maleruagassanik immikkut imaqanngilaq.