Qallunaatsiat illorsui akissaarunneqarput
Qallunaatsiaat illorsuat assilillugu Qassiarsummi illorsualiaq, takornarianit takusarneqarumalluartut ilagilersimavaat.
- Narsap katersugaasiviata akisussaaffigigaluarpaa ajoraluartumilli suliamut naammattunik aningaasassaqanngilanga, taama oqarpoq Narsami katersugaasiviup pisortaa Rie Oldensburg. New York –immiit tikeraaq oqaluttuarpoq, Qassiarsummi illorsuaq sanaqqitaq immikkorluinnaq ittuusoq. Tupinnaannartumik oqaluttuarisaanermi tusaamasagut aammalu ullumikkut ullut nutaat atukkavut ataqatigiisinneqarsimapput. Kusanarluinnarnarput, taama tikeraat ilaat oqarpoq.
Kujataani takornariaqarnermi pisortaq Tina Jensen oqaluttuarpoq, qallunaatsiaat illorsuanik assiliilluni sanaqqinnissamut atugassanik, ilaatigut nunat avannarliit siunneruisooqatigiivi tunissuteqaaasimasut. Tunissut tunniunneqarsimavoq kristumiussutsip maanga nunamut eqqunneqarnera ukiunik 1000 –inngortorsiorneqarnera eqqorlugu. Narsaq Kommunia illorsuup aserfallatsaalineqarneranut ingerlanneqarneranullu ukiumut 30.000,00 koruuninik tapiissuteqartarpoq.
