Qallunaat svenskillu sikuijuitsoq avannarlermukarlutik aallassapput
Sikuijuitsoq Avannarleq 110807k unnukkut dr gfi
Aallarniut:
Sikuijuitsoq Avannarleq pillugu – tassanilu uuliaqarsinnaanera pillugu pinnaannersuaq aallartippoq. Russit Canadamiullu pinnaallutik aallartereerput – maannakkullu skandinaviamiut Sikuijuitsoq Avannarleq pillugu pinnaannersuarmut ilaaqqupput !
Paasissutissiineq: Sivisussusaa: 01’44”
Nunat killeqarfii nunavissuillu sumut atasuunerannik politiki pinnaannermi pineqarput. Uanilu aamma pineqartoq tassaavoq uulia gassilu qallorneqarsinnaasoq nunarsuami pisuussutit sisamaraarterutaat taamaaniisagatinneqarmat.
Sapaatip akunnerani kingullermi nunarsuarmiut assitsigut takusinnaavaat russit aqqartartorsuata russit erfalasuat sikuijuitsup avannarliup imartaata naqqani napparaat. Kingusinnerusukkullu assit uppererpiarneqarunnaarput imaassinnaammat hollywoodtip filmiliaani titanic-ip assitaaneersuusut. Taamaakkaluartorli russit sikuijuitsoq avannarlermiissimapput tamaanilu piginnittuunissaminnik piumasaqaateqarlutik.
Maannakkullu sikuijuitsoq avannarliup eqqaamiui eqiilerput immap naqqani pisuussutinik piginnittuunissaminnik pinnaasseqataajumallutik.
Russit saniatigut pinnaasseqataalersut tassaapput;
Canada, Norgi, USA, Kalaallit Nunaat Danmarki peqatigalugu. Pinnaassutaallu tassaavoq 1,2 millioner kvadtrat kilometerinik angissuseqartoq nunat issittortaaniittoq sikuijuitsoq avannarlermi imarujussuaq.
Maannakkullu Canadap ministeriunera, Stephen Harper, Qeqertaaluup avataani sakkutoorpaalunnik ingiallorteqarluni angalaarpoq Avannaarsuani nunap issittortaani piginnittuunissamik piumasaqaateqarluni.
Taamaaliortoqarneralu pissutigalugu ullumi qallunaat ilisimatuussutikkut ministeriat Helge Sander, qisuariaateqartippaa.
Pinnaassutaasumi annertoorujussuarmik uuliaqarfeqarsinnaanerata soqutiginnittorujussuanngortippaatigut, Ritzaumut Helge Sander taama oqarpoq.
Sapaatiuppat qallunaat svenskillu misissuiartortussat sikunik aportaassuarmut Odenimut ilaallutik sikuijuitsoq avannarlermukarlutik aallassapput, misissuiartortitat misissortussaavaat Sikuijuitsoq Avannarliup imaata naqqa Kalaallit Nunaanut atasuunersoq, taamaalillunilu Danmarki naalagaaffeqatigiinnerup aqqani uuliaqarpat siunissami piginnittuunissamut piumasaqaateqarsinnaatitaassammat ?
Qallunaat statministeriat, Anders Fogh Rasmussen isumaqarpoq, sikuijuitsoq avannarleq nunarsuarmiut tamarmik pigisariaqaraat.
